Datuk muda barus - nduru
Minggu, 08 Agustus 2010
0
comments
kai kurkuren ndu e pedi
buluh pe enggo bangkaren
uga nge ukurndu e agi
la kel ertempasen
kentang enggo ersuli
lalap la isuanken
kertang dagingku e agi
nginget arih la erkesehen
udan bas ciger wari
lenggur si nenggeti
ulah ndu silamehuli
pusuhku rate mesui
ate ngena banci sambari
bas seribu banci pilih
ateku ceda la tertambari
pala ersada kita mulihi
gantang-gantang i tenga kuta
kuakap tabu kepeken berku
kalak tandang si mbue gaya
em erbanca aku enggo nduru
bulung-bulung kaling juhang bibi
kerah-kerah bulung kelawas
ateku tutus atendu lahang agi
kuja nari ma karo lawes
bulung-bulung kaling juhang bibi
kerah-kerah bulung kelawas
ateku tutus atendu lahang agi
kuja nari ma karo lawes
Categories:
Datuk muda barus
If You Like This Post, Share it With Your Friends & Peers
0 comments:
Posting Komentar
Gelah ermajuna blogta enda mari radu ras kita mekenasa. Tadingken sitik katandu jenda sope lenga kam nading ken blog enda. Bujur Tuhan simasu-masu kita kerina